早幾年開始，人人都話未來嘅汽車一定要用環保燃料，廢氣多嘅即刻會被Out出局，所以混能車輛因而應運而生；哈，點知美國福特（Ford）喺最近又搞搞新意思，推出一款名為F-250SuperChief概念Pickup，個Look玩潮玩型之餘，仲大Sell用氫氣作燃料後，可大幅減低廢氣中的二氧化碳多達99%！
賣相型到爆燈
唔係講笑，用全銀色車身示人嘅F-250SuperChief，真係好有美國Feel，因為部車夠晒「大件」，同時又有大得嚇人嘅鬼面罩和由多粒LED所組成嘅頭燈，望落似咩？一個有型嘅大隻佬囉！車廂又係點？先有對開式車門方便上落之外，仲有埋大玩家居Feel嘅木紋車廂裝飾，而後座更係Oversize設計，就算係大隻佬都坐得落。
Tri-Flex引擎減廢氣
打開引擎冚，見到一台可混合3種燃料的V10Supercharged引擎，而可使用的燃料是氫氣、酒精或電油，行車時，若你使用氫氣作主要燃料的話，可節省多達12%的油費，也可大幅減低廢氣中的二氧化碳含量達99%，而扭力輸出更可高達55.3kgm，認真大力。
記者：鄭達基