天文台真係醒，一早已經講咗呢幾日會有大雨落，果然真係由早落到晚，又黃又紅又黑，總之冇時停啦，搞到立法會都開唔成會要叫停，即係財會同內會都唔使開啦。
肥馬局長本來萬事俱備去開會，點知中空寶，上日唐唐俾班議員話遲到，佢當然唔敢怠慢。肥馬較早前陪煲呔去咗雲南開九加二，不過，佢星期三已經返咗香港，八方問佢點解唔留喺度一齊去遊麗江，佢話唔好喇，香港有好多嘢做，葉澍堃搞旅遊，留低就好啱。
話時話，肥馬加入政圈做問責局長已經有四年，佢明年五十五歲仲好後生，實在可以多做一任，不過，肥馬始終係老董請嘅，加上好多人昅住佢個肥缺，唔知煲呔點將時會唔會預佢一份喇。
傳真︰2623-9278
電郵︰[email protected]