九龍灣商廈係近期熱炒目標之一，成交頻密，但估唔到依然有低水成交個案。據中原李婉琪講，企業廣場1期2座高層2至4室，面積3051呎，有部份海景，近日以1100萬摸出，呎價只係3605元。
雖然話個炒家只係揸咗兩個月就賺100萬，但企業廣場3期上個月先做到呎價5750嘅新高，相比之下，今次個價就低好多。接貨嘅係用家，所以未必會喺短時間內再放番出嚟。
不過咁，呢區低水貨始終係好少數，據聞家吓用家已經轉移視線，留意啲新落成商廈，而好似企業廣場3期，就算發展商改為全層放盤，仍然有好多人查詢。
仲有，據聞九龍灣區正計劃搞架空行人天橋網，屆時包括旭日、嘉里、信和同萬泰旗下嘅寫字樓項目都會有天橋連接，不但可令人流增加，亦方便租戶。