球迷睇波，更愛睇球星，英格蘭國家隊粒粒皆星，人人各有心頭好，本報日前訪問了30男20女共50名市民，看看23人大軍中誰是球迷最愛！碧咸順理成章是大家至愛，肥仔嘜朗尼進佔第二位也不算意外，說到底睇波都不只睇靚仔！
張小姐：我絕對會揀碧咸，咁當然靚仔係主要原因喇！雖然我唔係一個超級足球迷，但係都會捧佢場，今年都準備會同朋友一齊睇。
嚴小姐：我揀謝拉特，鍾意佢射波同腳法都好，我覺得佢都幾有型，而且我男朋友都好鍾意佢，所以我更加會支持喇。
李先生：我比較鍾意朗尼，雖然我本身都唔係超級足球迷，但係我成日聽朋友都講起佢，所以先有留意，我打足球遊戲都會揀佢。
