薛凱琪（Fiona）、Shine及方大同昨日到一中學擔任「卡拉O！BABE」飛躍校園表演嘉賓，雖然Fiona先後與黃又南及方大同傳緋聞，但三人均落落大方合照。是次活動的主題是向學生宣揚不要非法下載或上載，但台下竟有學生說：「我有試過呀，咁點呀！」
薛凱琪、Shine及方大同昨日到上水鳳溪中學，向一眾學生宣揚尊重智識產權，以及不要非法下載的訊息。三位緋聞男女Fiona、方大同及黃又南雖然同場，但毫無避忌，大方合照。
當司儀於台上問現場的學生有沒有下載或上載時，台下一名學生即時舉手並說：「我有試過呀，咁點呀！」
「社會風氣係咁」
徐天佑被這名學生的回覆嚇窒，事後他說：「個司儀雖然冇講到明係非法下載，但係佢哋應該知今日活動個主題係講緊非法下載啦，頭先嗰個學生好似覺得冇問題，不過又唔可以指住話佢係錯，因為𠵱家成個社會嘅風氣都係咁。」
天佑透露身邊的朋友有向他坦白曾於網上下載歌曲，他說：「我哋隻新歌派台未出碟，有個朋友就話喺網上download咗，於是我叫佢請我食飯，因為佢咁做即係攞我啲人工。」
求舉手冇和應
另外，現場的學生表現得不太合作，當司儀率領幾位歌手到台下影大合照時，司儀叫所有學生高舉V字手勢，但舉手的人寥寥可數。結果要勞煩男教師拿着咪向所有學生說：「如果你哋唔舉手影唔成呢張合照，呢個活動唔會開始。」此話一出在場所有學生才乖乖就範。
採訪、攝影：李珮洳
