關心妍敬禮學嚴謹

關心妍敬禮學嚴謹

關心妍(左)同周麗淇(Niki)獲香港交通安全隊委任為東九龍總區「道路安全大使」,噚日去咗跑馬地馬場出席委任儀式。佢兩個着住交通安全隊制服,即場示範敬禮動作,雖然只係好簡單嘅動作,但關心妍嘅拇指微微分開嘅一個小錯誤,依然俾長官發現,仲即場作出指引,關心妍話要成為安全大使,需要接受嚴格嘅訓練,佢話:「我哋之前每人度身訂做咗四套制服,制服分冬、夏、日、夜四套,髮髻要點紮,手勢要點做都有規矩。」有駕駛經驗嘅Niki話,仍未被扣過分,佢強調就算平時過馬路,都會按照交通規則。對於世界盃開鑼,Niki不忘提醒巿民:「睇波飲酒之後,千祈唔好醉酒駕駛。」