上年10月蘇富比成功拍賣《乾隆琺瑯彩「古月軒」錦雞圖雙耳瓶》，以一億一千五百四十八萬港元成交，創下亞洲藝術品拍賣價最高紀錄。兩個月後賣家話仲未收到錢，入稟告蘇富比拖數，原來件事背後大有文章。噚日香港蘇富比中國藝術部專家沈恩文將件彩瓶交到買家翟建民手上，順便為事件解畫。
原來件彩瓶以天價成交之後，忽然有另外一個收藏家走出嚟話件彩瓶係佢嘅，蘇富比要搞清楚件事先過數，所以就俾原本個賣家告拖數喇。搞咗好耐，兩個都自稱係彩瓶擁有者啲人先簽到紙，同意將件彩瓶轉讓，所以晨早畀咗錢嘅翟建民𠵱家先攞到手。因為單官司仍然繼續，沈恩文暫時都唔想評論咁多。
傳真︰2623-9278
電郵︰[email protected]