法國超級名牌LouisVuitton前晚在東京舉行時裝騷，日本頂級女星松嶋菜菜子及日劇《電車男》女主角伊東美咲均準時到場，反而專誠越洋出席的香港代表余文樂、梁洛施及台灣第一名模林志玲都遲到，更因而食閉門羹無緣欣賞時裝騷。 東京直擊
松嶋菜菜子、伊東美咲、米倉涼子、猿人揸弗人Nigo、余文樂、梁洛施及林志玲等，前晚齊齊現身LV在東京夢之島舉行的06/07秋冬時裝騷。今次是該品牌首度在巴黎以外的城市舉行時裝騷，大會為隆重其事，特別由品牌藝術總監MarcJacobs親身構思創作，更邀請大批亞洲名人明星出席，星光熠熠。
辯稱安排失當
獲LV選為舉行時裝騷的城市，一眾日本明星也與有榮焉，即使是首席藝人如菜菜子、伊東美咲及米倉涼子等，都發揮日人一貫專業守時的優良傳統，齊齊穿上LV的春夏裝一早到達會場等睇騷。
反觀專誠飛赴日本的余文樂、梁洛施及林志玲等人，卻同樣姍姍來遲，遲近半小時才到達會場，更因而一度被保安人員阻止進入會場，其後要由公關人員出面調停，才能參與時裝騷結束後的派對。問到余文樂為何遲到？他說：「係大會安排出現問題，佢哋最初話會delay，我哋已經八點鐘standby，不過佢哋九點先叫我哋出門口，又遇上大塞車，所以遲到。」再問他無緣欣賞時裝騷會否失望？余文樂答：「好可惜，仲有啲失望，因為想睇吓個騷，睇吓下季興啲乜嘢。」
「仲有party玩」
而梁洛施則笑道：「睇唔到騷唔緊要，仲有party玩，我帶咗相機同MarcJacobs影相，我仲希望可以同《電車男》嘅女主角伊東美咲合照，我好鍾意佢。」
此外，曾擔任日本旅遊親善大使的林志玲，前晚本獲日方主動安排在時裝騷中與LVMH大老闆BernardArnault同坐，卻因遲到被拒門外，她事後說：「來到已經很開心，派對很好玩。」對於有傳她與緋聞男友言承旭感情轉淡，林志玲只說：「我們還是朋友，還有保持聯絡。」
採訪：林妙萍 攝影：仇志德
