尖沙嘴舖位成交陸續有來，柯士甸路14至18C僑豐大廈約3000方呎地舖，最近以2300萬連租約摸出，呎價7667蚊。據中原地產所講，業主係姓董嘅資深投資者，揸住件貨3個月幾，就賺咗約200萬。
個舖家吓租咗畀間日本料理，月收11.5萬，新買家要嚟收租，都有6厘回報，以尖沙嘴嚟講係幾高嘅回報。
至於呢位姓董投資者，原來喺近期都沽咗一啲尖沙嘴舖，好似漢口道19至21號J地舖，就套現3400萬，賺2320萬。
其實呢輪頻頻有投資者沽出呢區舖位，都係趁仲有唔少大型零售商喺區內搵位，帶旺租務市場。
好似漢口道15號地舖連閣樓，面積分別係660及600方呎，最近就由BodyShop用每月38萬租咗，比起之前月租25萬，升幅有52%。