自言從少女時代開始已十分喜歡穿牛仔褲的溫碧霞，近日被內地某品牌牛仔褲公司看中，獲邀擔任代言人，令為搬新屋而煩惱的她忙得特別開心。不過同時忙搬屋、忙拍廣告和內地劇的她，卻坦言為此連老公的面也甚少見得到。
溫碧霞（Irene）下月中將由赤柱搬往清水灣新居，近日她與夫婿不斷四出搜羅合適傢俬，她笑言新居令她最滿意的地方是擁有一個很大的花園。雖然為搬屋而忙碌，Irene仍不忘搵真銀，上星期她便返內地拍攝了一個牛仔褲廣告，既有酬勞可以收，又可以得到服裝贊助，令身為牛仔褲癡的她十分開心。
下月拍新劇
而下月中Irene又會為一齣內地電視劇開工，她透露對手是一個極具知名度的內地演員，Irene說：「原本我唔想咁快又接劇拍，但呢齣劇個拍檔我好鍾意，所以就接咗落嚟，但呢一刻我仲未可以公布個對手係邊個。呢個月我真係好鬼忙，因為接咗幾個內地廣告，又要搞搬屋嘅嘢，真係冇乜時間陪老公。」
問到Irene搬新屋是否為生兒育女作好準備？她說：「又唔係完全係，因為我一早都想搬，但未搵啱啫，𠵱家搵到咪搬囉！不過香港嘅藝人真係冇乜私隱，買咗間屋冇幾耐就俾人登晒出嚟，真係唔係咁好，不過新屋真係環境一流，我好鍾意，特別係有個大花園，得閒同隻狗喺花園散吓步，對人對狗都會好啲。」
採訪：葉雪
