台灣金曲獎聽日舉行,莫文蔚(Karen)今年會擔任最佳男演唱人嘅頒獎嘉賓。Karen親自設計頒獎時着嘅靚衫,最後由香港著名設計師文念中操刀整水晶旗袍,Karen認為旗袍可以凸顯東方女性嘅體態,佢話:「性感係一種感覺,唔係一定要露先至叫做性感,反而若隱若現、晶瑩剔透更吸引。」Karen希望日後有更多人着旗袍作為行紅地氈嘅服飾。