謝安琪（Kay）成為歌手已有一段時間，可是總不能令人留下深刻印象，除了近來出碟及與張繼聰傳緋聞外，她最為人熟悉的應是初出道時的箍牙look，與很多明星背道而馳，謝安琪寧願沒有新聞，也好過花邊新聞一籮筐。
比起同期出道的女歌手，謝安琪（Kay）的見報率可算低，她說：「我唔鍾意啲花邊新聞，好多人可能會覺得我咁講會好寸，我寧可唔見報都唔好亂作啲出嚟，鍾意我就去聽我啲歌，咁樣已經夠。」
自豪箍牙Look
對於跟張繼聰一段似是而非的緋聞，阿Kay認為音樂以外的事不需向人公布，她說：「我打正旗號唔係做娛樂新聞，就算拍拖都唔會特登同大家講，總之啲人繼續問，我都係答張繼聰係我一個好好嘅朋友。」
被誤當助手
回想阿Kay出道時的一個箍牙look着實嚇人一跳，但她提到此事卻相當自豪，認為這樣反而加深其他人對她的印象，她笑說：「以前有好多DJ一見到我就話我醜爆，加上我出道時又唔化妝又唔打扮上電台，結果有次俾人以為我助手係星，我先係助手。」
不少唱片公司都會為旗下新人接洽廣告，只是阿Kay的經理人卻為她推掉了纖體廣告，她說：「如果你見到條街有個大廣告牌係謝安琪着好少衫你都覺得驚啦！我到𠵱家都未賺過大錢，但已經好滿足。」
採訪：李珮洳攝影：陳俊強
服裝提供：UShop,PerMe
場地提供：朗豪坊
