改裝牛、塗鴉牛、Customised牛，玩到今時今日已開到荼蘼。之不過一塊白雪雪嘅畫布同樣玩咗幾千年，有創意嘅人，依然畫得出與眾不同的作品。Giordano兩年前已推出「潮牛鬥」，推廣人人可以做設計師這概念，今勻最大賣點，就係你嘅參賽作品可以存放於Giodano舖內展覽及寄賣（定價$1,000，五五分帳），更有機會着上作品做Model行Catwalk！據知過去比賽已曾吸引IVE設計系學生參加，計我話，做設計系學生嘅好應該用佢嚟做試金石。賣到錢幫補學費亦唔錯吖！有興趣？可以上佐記網頁，或填寫參加表格後，以郵寄方式或親身將作品交回九龍長沙灣道777-779號天安工業大廈5樓（註明DIY負責人收），或親身交到任何Giordano店舖均可。此活動不設限期，可能做三五年㗎，如果屋企人係製衣廠北上嘅失業受害者，鼓勵佢復出啦！
網址：www.giordano.com.hk