澳門樓市有幾火熱，睇吓投資者羅家寶等財團，轉手賣出澳門地皮，兩個幾月賺成四億五咪知囉。而酒店同賭場集中嘅新口岸區，住宅租務需求暢旺。
中原分行經理話，新口岸區嘅賭場開幕後，會請好多外籍員工，佢哋多傾向租住中高檔住宅，令到需求激增。好似境豐豪庭中層望山景單位，剛以月租9500蚊由外籍客租咗。
新口岸區早已畀啲投資移民客睇中，比例由兩年前嘅50至60%，升到今日嘅70%。
利嘉閣營業經理李志光講，除咗住宅之外，市場對商廈需求都唔細，皆因政府公布嘅數據，第一季喺澳門新成立嘅公司已有748間，比舊年同期多4.9%。
李志光又透露，公司攞到喺水坑尾嘅VickyPlaza租務代理，商廈單位400至2720呎。