意馬國際夢成真

意馬國際夢成真

搞緊鬼佬「忍者龜」電腦動畫電影嘅意馬國際,居然唔聲唔聲走去東洋攞咗經典動畫《神勇飛鷹俠》嘅電腦動畫製作權!舊年華華曾經訪問過意馬副主席兼行政總裁高偉豪,佢話自己最想將呢套動畫變做電腦動畫,估唔到唔使1年就變為事實。
相信唔少年過30歲嘅讀者,對《神勇飛鷹俠》呢套動畫有印象。故事係講神勇飛鷹俠對抗惡魔黨,粉碎佢哋控制地球自然資源嘅計劃。𠵱家聽落都幾有前瞻性!
華華記得高偉豪話除咗神勇飛鷹俠,仲想將《聖鬥士星矢》同《高達》變做電腦動畫,唔知等幾耐可以成事呢?