黎明早前到日本出席環保活動，女友樂基兒伴隨左右，以行動宣示情未變，雖然一反常態愛得高調，但昨日在尖沙嘴出席記者會的黎明仍拒絕談論與樂基兒的戀情，反而提到「巴士阿叔」時就意見多多。
黎明昨日以童心大使身份，出席在尖沙嘴舉行的「永明金融照耀童心路」記者會，被問到為何到日本工作也要帶女友樂基兒同行時，黎明回應說：「樂基兒嘅嘢唔好再問我，你哋啲同行唔在場，但係手上有10個樂基兒，鍾意就話佢喺上海，呢個又話佢喺日本，冇得控制，唔講喇！」
「大家少講兩句」
雖然黎明不欲多談，但仍繼續說：「有某小部份雜誌已經起雙『飛』，飛起咗道德個『道』、品德個『品』，加埋精神缺德個『精神』，我知記者搵飯食好慘，大家少講兩句，算啦！」問黎明有否為某些報道影響心情？他說：「心情自己控制到，唔會受影響，呢啲只係芝麻綠豆嘅事。」
提到森美小儀主持的商台節目《架勢堂》早前曾舉辦「我最想非禮嘅女藝人」選舉，惹起全城爭議，對於樂基兒榜上有名，黎明說：「有機會問番樂基兒本人啦！我個腦選擇性去睇新聞，如果冇興趣，過目不看，我只會睇幫到我有進步嘅新聞，我唔八卦。」
不過講到熱門話題「巴士阿叔」陳乙東被襲擊，黎明就興致勃勃地說：「開始睇時真係好笑，港聞版係寫儆惡懲奸，好似有記者俾人打爛相機會話人冇天理，講社會道德問題，但係今次寫佢俾人打，都冇講警察會點拉人，港聞版變咗娛樂版手法，好唔健康，不過呢句可以唔寫，當我冇講過啦！」
採訪：魯萍 攝影：陳順禎
