王菲同李亞鵬婚後喺北京晴翠園築愛巢，李亞鵬嘅舊愛周迅（左）都不遑多讓，佢最近同男友李大齊（右）喺北京昌平區買咗一棟豪華別墅，間屋分兩層，有私人泳池同前後花園，佔地面積同豪華程度媲美鵬菲居所。有裝修工人透露周迅同李大齊曾到新居監工，兩人仲不時大晒恩愛。為咗避免記者偷拍，周迅仲用水泥起圍牆，而且圍牆嘅高度比鄰居嘅鐵欄杆圍牆仲要高㖭。