隨着世界盃拉開戰幔，全球陷入足球狂熱，戴夢夢近日更因經常主持巴士播出的足球節目而獲電影公司青睞，獲邀唱出電影《球愛可人兒》（She'sTheMan）的宣傳曲。
向來活潑好動的戴夢夢，早前為巴士播出的足球節目擔任主持，最近又與電影公司合作，為新片《球愛可人兒》演繹香港版主題曲《帶智慧射球》。
尋球星男友
據知電影公司認為夢夢與《球》片女主角Viola的性格十分脗合，於是邀請她唱主題曲。夢夢獲悉後，立即決定選用新歌《帶智慧射球》，一聽歌名就令人聯想到日本漫畫《足球小將》中的主角戴志偉，就連新碟的封面，亦以女版戴志偉上陣。
最慘要紮胸
夢夢說：「我細細個已經睇《足球小將》漫畫，覺得戴志偉好有型，仲成日希望大個可以有一個好似佢咁嘅男朋友。雖然我呢排成日接觸球壇人士，不過暫時仲未有機會。」
夢夢續說：「我睇《球愛可人兒》嗰陣，不斷幻想自己係女主角，因為佢最後可以同男主角相戀。」
提到片中女主角為了足球而要女扮男裝，加入足球隊踢波，問夢夢可會效法？她說：「我個樣點扮都唔似男仔啦，不過我好欣賞女主角嗰份精神。如果要易服，我就真係唔夠膽量同毅力喇，最慘仲係要紮胸呀，氣都唞唔到啦，仲話要每日紮住嚟練波喎，點頂得順呀？」
撰文：藍文浩
