亞洲多位明星名人前晚齊集LV派對，當中不少人更以LV春夏戰衣示人，其中以日本女星米倉涼子價值約19萬港元的LV行頭最搶鏡，當中包括售價達109,000元的手袋，貴絕全場。
性感女星釋由美子及過氣美少女吉川日奈則齊齊以迷你裙示人。
琦琦焗到病
松嶋菜菜子、林志玲和內地女星徐靜蕾都以LV春夏特別訂製的手工刺繡皮革寶石手袋示人，價值約7,500港元。而猿人教父Nigo（長尾智明）則一身浮誇Hiphop打扮配巨型鑽石頸鏈到場，成功突圍而出。
此外，在港隊一班遲到大軍中，只有任達華（Simon）與琦琦夫婦最早到場，琦琦更是帶病上陣。
華仔說：「琦琦啱啱感冒起，我諗住熄冷氣，點知開咗暖氣，瞓到成身濕晒，焗醒先知錯，仲焗到老婆猛咁咳。」琦琦則笑道：「我會記得遇過一個熱辣辣嘅東京六月，仲有我條裙個衩開得太高，係Simon親自幫我用針縫低啲，我覺得好溫馨。」
