下周一起被停薪留職兩個月的森美和小儀，昨日如常錄影無綫節目《15/16》，心情未見受影響，森美說：「我哋呢啲專業嘅。」杜汶澤則贈興說：「今次件事相信同佢（森美）嘅人品冇關，係同佢嘅智商有關，蠢係冇罪嘅。」
商台DJ森美和小儀在節目《架勢堂》中舉辦「我最想非禮嘅女藝人」選舉而被千夫所指，商台前晚已發出聲明，於下周一腰斬該節目，而該節目監製和主持森美和小儀均被停薪留職兩個月。森美和小儀昨日凌晨如常返商台主持《架勢堂》，節目開始時，森美說：「多謝聽眾幾日嚟嘅關心，我哋會努力繼續做埋餘下三晚節目，我哋呢兩個月會繼續諗吓各方面點可以繼續做好啲，多謝各位。」
「蠢係冇罪嘅」
森美昨日又到電視廣播城錄影無綫節目《15/16》，問其心情可有受影響，他說：「冇嘅，我哋呢啲專業嘅。」說罷即走進化妝間化妝，工作人員為免二人受打擾，遂鎖上大門。
對於森美和小儀被停職留薪一事，昨日有份錄影《15/16》的陳苑淇說：「我唔敢評論佢哋懲罰重唔重，不過自己講嘢都會小心啲，唔知講錯嘢會有咁大影響。」
杜汶澤昨日出席活動時說：「我覺得佢哋好努力工作，係好乖嘅人，我認識嘅森美唔係鹹濕仔，今次件事相信同佢嘅人品無關，係同佢嘅智商有關，蠢係冇罪嘅。𠵱家停節目都好嘅，作為電台係要有相應嘅處分，唔可以因為佢人品好，人格冇問題而不處分佢。每個節目都有個監製，就算佢揀咗呢啲問卷，但主持人負責講嘅，佢都要睇過有冇問題。我𠵱家做埋電視台，知道有乜可以講，有乜唔可以講，個個都知我把口唔收，但我亂中有序。」
「我冇嬲佢哋」
另外亦有藝人同情森美和小儀，RoadShow主持梁慧嘉（Viann）說：「題目要有高層審批先出到街，冇理由啲𡃁嚟祭旗，如果佢哋要停職，幕後人都要停，其實佢哋道歉咗，唔需要停職，唔需要腰斬節目。」
鄧麗欣則說：「雖然佢哋嘅問卷中嘅人物我都有份，但我冇嬲過佢哋，知佢唔係有心，只係一時大意。身為佢哋嘅朋友，都戥佢哋唔開心，今次當係教訓啦，以後做節目小心啲就得喇。兩個月冇得做節目，我覺得懲罰都重。」
而梁漢文則說：「今次事件引起社會好大迴響，呢個題目係唔啱攞出嚟選舉嘅，相信森美經過今次經驗後會冇問題。」問他覺得懲罰會否過重？他表示見仁見智，但他知道森美甚少放假，現在可趁機小休一下。
好友短訊問候
而森美份屬好友的方力申昨日說：「覺得最慘都係森美，因為今次事件中，所有矛頭都係直指森美，其實節目唔應該只由一個人承擔，相信森美𠵱家都幾大壓力。」那懲罰是否太重？方力申表示尊重商台的決定，並謂已傳短訊問候森美，而森美亦回覆了一句多謝關心。
而在選舉中榜上有名的關心妍說：「我雖然係被提名人之一，但今次係佢哋唔小心處理遊戲題目，可能佢哋目標係年輕人，冇踩人用意，其實佢哋道歉，應該原諒佢哋，希望佢哋快啲冇事。」
採訪、攝影：娛樂突發組、卓美娟、馬建華、李珮洳
