為搞噱頭而安排於2006年6月6日6時6分於又一城播映藝人特別場的電影《凶兆》，邀請一班大膽藝人出席，包括Soler及鄧穎芝等，其中李彩華更戴上蒜頭頸鏈到場，並指揀男友都要同樣喜歡睇恐怖片。
以邪惡「666」密碼作賣點的荷李活電影《凶兆》（TheOmen）安排在香港上映，電影公司為了加強電影的懸疑氣氛和刺激感，除安排所有上映該片的戲院於2006年6月6日下午6時6分公映一場特別場，前晚又包下AMC又一城戲院下午6時6分一場，邀請不少自認大膽的藝人到場欣賞，當中包括鄧穎芝、李彩華、吳文忻及Soler等，而姚樂怡更一行六人到場，湊夠一個「6」，認真搞鬼。
擇偶先試膽識
李彩華（Rain）戴上一條自己DIY的蒜頭頸鏈到場，渾身蒜味，她揚言十分喜歡看驚慄片，她說：「條頸鏈係我自己整，用髮夾整，前後唔使五分鐘搞掂，我好鍾意睇驚嚇片，第時男友都一定要鍾意睇先可以拍拖，而驚嚇片中我最鍾意係由妮歌潔曼（NicoleKidman）主演嘅《不速之嚇》（TheOthers）。」
偷看留下陰影
至於Soler亦表示小時曾在電視偷看《凶兆》，當時母親並不知情，他們笑稱看完此片嚇至不敢再看電視，問他們喜歡哪些驚慄片時，Soler說：「我哋鍾意睇《驅魔人》（TheExorcist）同《鬼影》（Shutter）。」至於會否帶同女友入戲院看戲，他們笑說：「我哋唔敢同女朋友去睇，因為怕我哋細膽過佢哋。」此外，《凶兆》前日的單日票房已經狂收一百萬港元，十分厲害。
採訪：何永寧 攝影：林德雄
