早知香港人對性話題忌諱，徐子珊公開談性，即被定名為「性女」兼被公開指摘，想約名人藝人談情說性？耍手擰頭是必然反應，這情況在今次訪問尤其明顯，皆因話題牽涉敏感的OralSex（口交），幾經辛苦，終於有情侶John及Kathy願意分享個人經驗，不過條件是堅拒上鏡。作為性生活一部份的口交，唔通真係咁難開口？
記者：陳慧茵
攝影：陳偉強
想要，請先發制人
要拍拖5年的情侶John及Kathy分享個人第一次口交經驗，老實講，筆者好怕有反效果，思前想後，還是由雙方第一次為對方「服務」的「甜蜜」經驗講起。
男：大家頭5、6次都係齋做，直至覺得關係親密啲，於是嘗試更進一步。我無開口叫佢，而係用身體語言（擺近佢嘴邊）俾佢知道我想。
女：我唔介意首先幫佢，但主動踏出第一步會驚對方覺得自己好隨便囉。
男：所以我認為如果想個女仔幫你，最好辦法就係先發制人，自己首先幫佢……
男人敢做唔敢認
「蛋撻王」，講緊嘅唔係麵包糕點，而係為女士用口服務後的男士專用花名，所以話，男人有時喺性方面的確幾幼稚。
男：10個男人有8、9個都試過幫對方㗎啦，不過就算有做過都唔會肯認，圍埋講呢個話題更加無可能，因為覺得好卑躬屈膝，怕俾人笑囉。
女：我又無咁諗過喎，女仔唔會介意拎呢樣嘢同朋友傾，幫男朋友好正常啫，無試過反而會覺得關係唔夠親密㖭。
男：咁如果「對方幫自己」嘅經驗，男人又會好歡迎分享喎，講到尾，女人幫男人，始終有種傳統觀念上的「征服感」，係尊嚴問題。
唔介意有胺味
摒除心理上的因素，大部份抗拒口交的男女，理由都係怕異味，有人認為解決方法是先沖涼後進行，但原來情到濃時，禁忌都可以拋開。
女：我試過未沖涼就幫佢，咁鍾意對方就唔會介意咁多，不過都試過覺得好大陣胺味，咪溫柔啲咁同佢講：「不如洗洗先啦！」
男：我唔介意佢咁講，呢樣嘢都係為大家舒服啫，沖完涼最perfect，但間中情到濃時都唔理得咁多，幫得佢，一定係穩定性伴侶，我唔會太介意，如果對方真係有少少味我都唔會講㗎，咪忍一忍囉，當面講好Hurt佢㗎。
色字當頭，男人的忍耐力與EQ原來比女人高。
如果至此你覺得不安惡心，大抵是時候翻到下頁，因為……
男：口交後會唔會避忌對方嘴唇？梗係唔會啦，你會唔會嫌棄自己身體污糟㗎？
女：唔會，對方都唔嫌棄你，你仲嫌棄人？反而會習慣錫一錫對方，話畀佢知，大家關係係毫無保留嘅。
辟味道具
大部份抗拒口交男女，原因不離怕對方分泌物帶異味，其實坊間有不少專為此而設的「道具」，協助解除心理障礙。
潤滑劑
Succulent 潤滑劑$168/支
店中最暢銷嘅潤滑劑，不含色素唔怕整污糟床單，共10款味道，連冷門的香檳及藍莓味都有。
KiwiStrawberry 潤滑劑$85/支
勁Sweet嘅士多啤梨味，成份全天然，入口無害，搽上身後仲有發熱功效，催情一流。
避孕套
SuxFlavoredCondoms$48/盒
專為口交而設的避孕套，一盒有齊薄荷、香蕉及士多啤梨味，保證次次有新鮮感。
日本JexCondoms$168/盒
無一般避孕套的難頂膠味，仲有陣清新薄荷味幫你提神，0.03超薄設計，男人最Buy。
性感小野貓性商店（23983601）
地址：旺角先達廣場2樓S91-92號舖
頭盤？主菜？
有人將OralSex視為頭盤，熱身後再更進一步，亦有人視之為主菜。
男：我會視佢為頭盤，因為只有做愛先可以聽到和感受到對方反應，呢啲官能刺激係OralSex畀唔到嘅，間中因為好攰想有人服侍無可厚非，但真係鍾意一個人就會想同佢做。
女：男人幫自己的確容易有高潮好多，可能啲位準啲detail啲啩，間中齋用口唔做都唔錯，但長期咁樣會覺得大家以為發洩多過愛對方。
男：其實作為前奏，男人最驚OralSex之後自己嘅「工作時間」會被迫縮短，怕對方唔夠滿足。
女：我反而怕習慣成自然縱壞佢，慣咗就會覺得係必需，有時因為攰而拒絕，對方未必明白。
走火？無問題！
瀏覽本地成人討論區，講起OralSex，男人最「熱心」的話題是：有無試過喺女方口內完事？甚至會遐想女士有特別癖
好。都說是AV惹的禍。
男：呢啲嘢試過一次就夠，我唔會特別享受，因為真係覺得唔尊重對方，成熟嘅男人會知根本無女人會Enjoy呢樣嘢，做戲咁做啫。
女：唔會變態到享受男人咁做囉，試過一心諗住係前奏，點知佢突然「走火」，哈哈，咁都唔會介意嘅，但係講到明要咁做，甚至成為一種習慣就一定會飛咗佢。
佢舒服，我好滿足
享受做愛係天經地義，但享受為對方服務，卻會被視為有點兒那個，男女亦大多不敢宣之於口，今次女主角Kathy可能是例外。
女：其實我幾享受幫佢，見到佢舒服我會好有滿足感，覺得自己可以令佢開心嘛，甚至有時會沾沾自喜，覺得自己技巧幾好，但我唔覺得自己淫蕩，因為對住佢先會咁做。
男：我絕對認同鍾意對方就唔會介意，你幫佢時見到佢嘅反應會滿足，係心靈上嗰種，至於生理上，對方嘅反應會令我覺得佢好性感，而且嗰種反應好真實，呻吟聲仲有催情作用，令我更加衝動。
女：我問過好多女仔，大家都唔係太鍾意男朋友幫自己，又唔係因為覺得唔衞生唔自然嘅，而係愛佢反而唔想佢咁委屈，不過生理上想嘅話，又未必會次次拒絕到，所以幾矛盾㗎！
口交電影 挑戰尺度
電影世界從來不乏性愛場面，但歷年涉及口交場面的電影，大多難逃評為「三級」的宿命。
《買兇拍人》
仲記唔記得木通口明日嘉的前任職業係勃起輔助員？不過點都唔及達明嗰種懶肉緊嘅高潮表情惹笑。
《天邊一朵雲》
台灣名導蔡明亮歷年來最富爭議性作品，性愛場面毫無保留，男女口交的海報更加無保留。
《天地無倫》
電影開首便是男主角搭上女友母親後的口交場面，涉及父子亂倫、母女同科等敏感題材，甫推出即成震撼話題作。
《親切的金子》
其中一幕講述新女囚要為舊女囚口交，舊女囚面目可憎兼七情上面，諗起都不安。
《深喉》
女主角的陰蒂竟然長在喉嚨深處，必須靠口交才能獲得性高潮，以1972年來說極大膽。
後記：最討厭……
訪問尾聲，筆者分別單獨訪問雙方最討厭的OralSex內容，只望雙方甚至觀眾能引以為鑑。
男：最怕女人技巧表現純熟，會覺得對方係老手，寧願佢乜都唔識，咬到我都無所謂，自己再慢慢教佢。
女：最怕男人將條脷放入裏面，唔硬唔粗唔長亦唔會興奮，不過男人一廂情願以為女仔鍾意。
Judy：OralSex係愛嘅表現，亦係情趣一種，雙方多啲衝擊先唔會咁易悶。
街坊點睇
