側田、鄭融、鈴木仁及伍允龍昨日到柴灣宣傳Kiehl's男士護膚產品，身材矮小的側田站在一眾高人之間，更搞笑地「趷」高腳企，他自嘲說：「我企喺一班靚仔靚女身邊，都好似唔fit個group，我覺得自己係全樂壇最肥同最矮嘅歌手，𠵱家我會開始減肥，而且聽講米高佐敦（MichaelJordan）細個係倒掛個人嚟增高，自己梗係唔會試，頂多整對高踭鞋囉！」
怕凸鼻毛
側田表示獲該產品長期贊助任攞護膚品，不過提到會否益埋另一緋聞女友楊千嬅時，側田即說：「我益個妹，千嬅都唔使，佢自己都有啦！」側田坦言入行之後較以前「姿整」，特別會留意鼻毛會否過長及凸出來。
此外，雖然今次活動是男性為主，不過鄭融就說：「搵我都係想sell簡單同中性，因為自己由中一開始已經注重皮膚護理。」
採訪：駱華齡
攝影：陳慧安