【記者盧文烈報道】萬眾期待的世界盃開鑼在即，由於今屆不少賽事在香港時間深夜進行，打工仔「捱眼瞓」看完比賽後，翌日必定不夠精神上班，甚至要臨時告假。本港有公司已決定在世界盃舉行期間，實施彈性上班時間，容許部份球迷員工延遲一個半小時返工。有人事顧問及工會建議，僱主不妨「做個順水人情」盡量遷就。
今屆世界盃部份賽事遲至凌晨三時才開波，打工仔看完賽事小睡片刻，已要帶着惺忪睡眼返工，聘有一百名員工的富利堡車行主席黃毅力表示，早已預計員工會熬夜睇波，因此將容許部份員工在世界盃期間順延一個半小時上班。「我哋啲門市大約喺早上九點半開門，初步我哋會畀一部份員工喺十一點先返工，當然佢哋都要順延放工時間。」
企業舉行睇波派對
他估計，員工中約三成是球迷，因此為加強公司凝聚力，會安排員工及客戶到夜場齊齊睇波。
中小型企業聯合會會長佘繼標旗下的摩打廠，以往每逢世界盃等大型賽事舉行，定必有員工「博懵請病假」，今年他事前與員工約法三章，表明員工若想在世盃期間請假，公司會盡量批准，七十名員工中暫有一人請假，而公司體諒世盃是四年一度盛事，決定網開一面容許員工最多遲到半小時。
人力資源管理學會早前訪問了一百二十間企業，四分一估計世盃期間員工缺勤率會較前嚴重，有關企業會透過批准員工放大假、舉行大型睇波派對、容許員工延遲上班，以及安排輪更四招配合世界盃熱潮。