公民教育委員會主席、煲呔個表哥香灼磯，啱啱先跟煲呔去完廣西返嚟，噚日又要主持公民教育委員會本年度首次會議。
近年有人批評香港人公民意識薄弱，香主席就不以為然，仲以近期網上大熱嘅巴士阿叔做教材，話段片反映到香港人嘅公民教育質素有幾咁高。
佢話巴士阿叔咁惡，喺公共交通工具上講電話咁大聲，好彩有四眼仔拍拍佢膊頭，叫佢細聲啲，證明香港嘅年輕人有公德心；之後阿叔發惡狂鬧四眼仔，又俾另一名乘客用手機拍低，可見香港人個個見義勇為。
後來巴士阿叔身份曝光，傳媒爭相追訪，但社會大眾又無對阿叔窮追猛打，反而當係笑料嚟講，更加令香主席覺得人間有情，香港人愛心爆棚。
傳真︰2623-9278
電郵︰[email protected]