電腦巡場:花$399升級老爺PC 硬錄世界盃

電腦巡場:花$399升級老爺PC 硬錄世界盃

萬眾期待嘅世界盃就開鑼,全程賽事玩足1個月,除非你係全職球迷,否則睇晒64場賽事幾近冇可能;與其花錢買部硬碟錄影機錄低佢,不如試吓加張擷取卡,將屋企部老爺PC「升級」成更勁嘅錄影機!再唔係抄埋落手提機度,返工搭車追睇賽事,有覺好瞓之餘仲唔怕俾人話Out啦!

記者:朱崇德、陸俊雄 
攝影:楊錦文 
ImageBoy&Girl:Yannie、Ricky

在家錄影

硬碟式或燒碟式錄影機,由於技術相對較新,未算太成熟,所以Hang機情況都幾普遍。與其係咁不如直頭用電腦嚟錄影!其實現時好多PC用嘅擷取卡,有埋接收電視兼錄影功能,大家咪以為PC要求好高,老爺如P-III1GHz加256MB記憶體,已經可以玩得揮灑自如!

直插USB夠簡單

擰螺絲麻煩、插卡又唔知邊條槽!對電腦有恐懼症嘅人,叫佢開機整腦有100個不可能理由,外置式擷取卡就最啱使。呢部DVD2GOMPB680只須經USB接駁電腦,裝埋軟件就可以用電腦睇電視兼錄波!精巧處是使用了PhilipsMK3電視接收器,是腦場Sales推介的外置式靚錄版!內置預校錄影同麗音雙語接收,最正係畫質超精細,最高可支援15Mbps低壓縮MPEG2影像,比一般行9Mbps嘅硬碟錄影更靚!
提提大家,使用全速USB2.0接駁時,可錄取DVD畫質,但家裏電腦只對應舊版USB1.1,就只能錄到VCD畫質,買機前要留意。

■DVD2GOMPB680
優惠價:$990(a)

■跟機有《DVDEncoderPlayer》,睇電視兼錄影!唔使上網搵軟件。

對應MCE錄播一條龍

內置式擷取卡最大賣點係較抵玩,呢張GrandmarsPG600-2採用了高質SilconXceive國際線路麗音TVTuner,支援全球電視接收制式;核心使用Conexant硬體壓縮,除減低電腦負擔外,最正係加入降低噪訊功能,使電視畫面更實淨和鮮艷奪
目仲支援WindowsXPMCE2005,可在待機模式下預校錄影,錄完就自己熄機,好方便!

■GrandmarsPG600-2
$599(a)

■跟機有遙控連接收器,唔使下下用Mouse轉台!

自動開機熄機錄影

想簡單啲玩錄播,入門價可考慮呢款易錄燒PV959TF;一樣使用名廠PhilipsTV調諧器核心,除一般錄製MPEG1、2格式外,仲支援MPEG4及WMV影像編碼。跟機一樣有遙控,不過只對應跟機的《PowerVCRII》。由於屬平玩版,電腦系統需要上到1.2GHz配256MB記憶體先夠玩。佢仲可在關機下自動開着部腦錄影,毋須SleepMode模式下啟動!

■易錄燒PV959TF
$399(a)

■軟件介面係咪好似《PowerDVD》?梗係啦,同廠出品喎!

隨街睇波

64場波焗埋1個月打,隨時一晚開足3場波,正是錄得切都要睇得切,否則未睇嘅賽事會變成地獄式層層叠!其實一般電視擷取卡都會使用MPEG1/2錄影格式,市面有些硬碟式PMP可即抄即睇,揸住部PMP搭車返工時大可清吓啲「波債」!

20GB細有細玩

韓國JNC一直落力出PMP,呢部SSF-M120是場內最「平」實之作,2千蚊唔使,絕對係你我杯茶!佢有20GB硬碟容量、USB2.0介面、3.5"螢幕兼夾支援MPEG1/2/4、ASF、WMV等格式,又可播足4粒鐘片,電腦直抄兩場波入去播都冇問題。

■3.5"屏幕,坐巴士睇就最啱。$1,890(b)

4"靚芒兼具預錄

韓國Cowon嘅iAudioA2,具錄影和預錄功能,內置20GB硬碟,錄10幾場波都冇問題。加上可連播10個鐘,4場8強賽事一次過睇就最啱。仲要一讚個4"芒,167萬色兼具480×272(16:9)解像度,真係好色到唔信,望落去真係草皮都綠啲,球迷最Buy。

$3,299/20GB(b)

免電腦直錄直播

現時大部份MP4機基本上不對應MPEG1/2影片格式,想過片落機就要重新壓片,隨時搞你幾粒鐘!呢部AkiraX-Mini,係現時場內唯一有預校錄影功能MP4機,內置128MB再加支援SD記憶卡,最方便係使用電視AVOut線直過直入,中間免除好多轉錄嘅麻煩,懶人最啱。

$1,099(b)

裝放大器有學問

不論用PC或硬碟錄影機,錄電視最常遇鬼影、雪花問題,主因係電視訊號唔夠強,一般訊號要達80-db先有清晰效果,不過香港大廈公用天線普遍只達60-db,加上錄影機Tuner唔夠好,導致畫質偏差!解決辦法係裝番個電視放大器,一般有30至35-db放大能力已夠使。國產貨(約$100)質素較參差,首選係日本牌子(約$300),如果有埋功率調校,即係用料都靚啲,大家識揀啦!

■電腦工程師Samuel

同場加映:公司電腦偷雞睇波

計埋返工放工搭車時間,都未必睇得晒咁多賽事,買支4GBUSB手指,抄晒2場波再返公司偷雞慢慢睇!若果老細坐正喺你後面,咁你惟有認命,同世盃講再會啦!

■USB插得鬼鼠又方便,抄送睇波另類選擇。$810(b)

售賣點

(a)康藝科技(23079084)
地址:深水埗高登電腦商場1樓91號舖

(b)A-Grade(23869922)
地址:深水埗黃金電腦商場地庫62號A舖