立法會噚日效率突然提高，下晝一點幾已經開始議員辯論，搞到答辯嘅官都失咗少少預算，好似唐唐咁，辯論開始咗都唔見佢喺會議廳，搞到立法會突然暫停，等啲官到場後先繼續開始。唐唐新聞秘書解釋，總之唐唐係冇遲到，其實佢已經嚟咗立法會。
過咗冇耐，就見到唐唐現身，趁立法會未復會時，同啲議員有講有笑。呢啲辯論全部冇法律約束力，啲議員噴完口水就收工，聽嚟係冇乜意思，啲官唔想聽係好易理解。當然偶爾都有佳句，好似王國興咁，噚日喺規管地產商賣樓嘅辯論度，批評啲地產商成日魚肉小業主，犧牲佢哋權益，佢仲唔點名質疑誠哥，身為「全港最著名，佢認第二、冇人認第一嘅發展商，佢名下嘅物業，係咪有注意小業主同用者嘅權益呢？」
傳真︰2623-9278
電郵︰[email protected]