揸開保時捷996嘅你，係咪有啲心郁郁想換部997呢？如果你唔想使太多錢的話，不如諗諗呢套由HAMANN專為996而設嘅全車大包圍。呢套包圍有咩好？咪係裝咗之後好似成部997咁，真係唔留心睇的話肯定會俾佢呃倒。
記者：鄭達基
任何型號都啱用
HAMANN講到明，只要你擁有嘅係996，不論係Carrera、GT3，甚至係Carrera4S都可以裝呢套包圍；至於呢套包圍所包含嘅嘢亦都唔少。除咗有最基本嘅車頭泵把連整流器、跑車化油缸蓋、超大跑車胎軨跟雙出式尾喉之外，最正斗嘅都係連頭燈都由原來嘅「煎蛋式」頭燈換成圓形，同真嘅997完全係一模一樣。咁仲唔止，呢部車仲裝埋1隻大尾翼，望落係咪型到爆晒燈呢。
引擎也被Tune-up
今趟呢部改裝車唔單止淨係加BodyKit，原來連引擎都被Tune-up過，若以911Turbo為例，3.6公升Turbo引擎，可由原來420匹激增至620匹，扭力也由57.1kgm升至79.6kgm，如此一改，佢嘅性能表現真係難以想像！