支聯會原本係有一套12小時足版嘅《民主歌聲獻中華》，可惜前幾年唔知邊個人打官司，問佢哋借咗8盒帶，但還嘅時候得番6盒，有2盒唔見咗。八方幫支聯會呼籲，如果邊個市民有齊成套騷，記住同八方或支聯會聯絡。
八方聽聞煲呔就呢件事好㷫，因為話佢冇誠信講大話，分分鐘死人，發唔到特首夢，所以心戰室已經以危機方式處理，希望減低殺傷性，而煲呔亦提前一日（即今天）返港，睇住個局。
不過，呢邊廂華叔一樣好火，因為唔知邊個親煲呔嘅專欄話佢今次踢爆煲呔，欠缺忠厚。華叔話，如果唔係有記者問，佢絕對唔會主動提起呢件事，佢以前喺立法會都有講過，但係從冇點名，今次真係天意。至於煲呔嘅說法漏洞多多，冇人幫到佢。而如果仲有人亂咁鬧佢，華叔一定反擊。最近，有人不斷放風，話華叔提當年事會令公僕人人自危，以後唔敢參加民主運動。咁講又真過份，冇作虧心事，乜都唔使驚啦。
傳真︰2623-9278
電郵︰[email protected]