小小超嘅「現在」電視財經台喺3月開台嗰陣，曾經同大家提過話佢哋用起亞Carnival做採訪車，但車身只係隨便貼上台徽便算，哈，點知前幾日揸車去灣仔做嘢嗰陣，又見到佢哋部採訪車喎！咦，點解部車會唔同咗樣嘅？哦，原來換咗雙龍（SsangYong）Rexton喎。
今次小小超真係識揀，雖然Rexton跟Carnival一樣都係來自韓國，但個MainPoint係部車嘅底盤、引擎以至傳動系統都係取材自德國平治車廠，咁好明顯大家都唔使擔心部車嘅Quality，仲有就係部車用咗台220匹馬力嘅3.2公升直6偈加埋恒式4驅，咁就去邊度採訪都唔使怕啦。不過都係嗰句，唔該佢哋唔好求其貼個台徽上去就算，不如再整靚啲部車，等班記者出去採訪嗰陣都醒神啲吖！
記者：鄭達基