那英嘅前夫、前北京國安足球俱樂部隊員高峰，最近同隊友杜江俾一位姓袁嘅朋友入稟北京朝陽區法院，向兩人追討30萬人民幣（約29萬港元）借款同10萬人民幣（約9萬6千港元）利息。袁先生話02年初，高峰同杜江問佢借咗60萬人民幣（約58萬港元），當時仲立埋借據，點知兩人遲遲未還清欠債，等到05年7月底高峰先還咗30萬人民幣，所以袁先生決定入稟法院追討。