彭氏兄弟彭順同彭發前晚去咗商台，宣傳新作《鬼域》。部戲下個月一號先喺香港上畫，不過賣埠方面東南亞及亞洲地區已經傾掂咗，至於內地方面就等緊審批。問佢哋擔唔擔心因為題材敏感而過唔到審批？彭氏兄弟話：「套戲講環保，但佢哋話要cut晒啲驚嚇場面，所以會變成為一部奇異片種。」佢兩兄弟都話冇諗過拍多啲片留番刪剪之用。