陳松伶噚日接受商台訪問，講番早前發現卵巢腫瘤復發呢件事，佢話個病之所以復發係同前年情緒受到困擾有關。嗰陣傳媒報道話松松同一位同性密友過從甚密，被指有「斷背」之嫌，報道出街之後，令佢兩位以家姐相稱、相交20年嘅好姊妹信以為真，加上呢兩位「家姐」又經常侵犯松松嘅私隱，結果姊妹情斷。當松松講到要搬走同兩位「家姐」共住嘅地方嗰陣仲喊咗出嚟，聽落真係好心酸！