張藝謀（左）同前妻離婚後，個女張末跟媽媽住，今年都有23歲。近日張末接受訪問，大讚張大導係一個善良、正直而感性嘅人，仲大爆01年當老竇同章子怡（右）傳緋聞嗰陣，張藝謀特登打畀佢澄清話：「我和章子怡之間沒有甚麼，只是導演和演員的關係，那些媒體胡說，你相信爸爸嗎？」張末就話自己一直以擁有一個天才導演爸爸而自豪，令張大導即刻冧晒。