有人話，呢輪班特區新貴好怕行出街，驚人問佢哋八九年有冇去遊行同埋去《民主歌聲獻中華》，不過，行會召集人梁振英就唔使怕，因為係人都知佢當年登過報紙，大大隻字寫住「強烈譴責中共當權者血腥屠殺中國人民」，證據確鑿。
噚日振英哥就去咗2006年香港湖北周武漢城市地產投資推介酒會，本來八方都想問吓佢5.27當日有冇喺跑馬地見過煲呔，可惜冇機會埋身。
講開振英哥，煲呔真係應該多得佢唔少，因為聽講煲呔民望咁高，皆因大家驚如果煲呔唔做，北京欽點梁振英接棒，咁就更大鑊，煲呔頂多都只係超級香港世界仔同擦鞋仔，識看風駛𢃇、同好戲，最衰嘅一面都睇晒，加上佢好恨做呢個位，就唔慌會劈炮唔撈。
而振英哥呢？就冇人知佢諗緊乜，究竟係唔係共產黨卧底？喺兩害取其輕嘅情況下，咪寧願揀笑得特別假嘅煲呔囉。
爆料熱線：29290000、27860099
報料傳真：26239278
報料電郵：[email protected]