已故著名填詞人黃霑嘅乖女黃宇詩，除咗做主持之外，仲學人做才女，事關佢就快推出一本教插花嘅書，噚日仲喺將軍澳電視廣播城展示心血手稿，率先造勢宣傳。 馮仁昭見黃宇詩寫咁多字，以為一定好辛苦啦，點知佢話：「因為我唔識打字，而且喺外國長大，好多中文字都唔識，要搵人幫手。希望本書可以趕到七月書展推出，同埋再有機會寫小說啦。」