鏞記嘅燒鵝一直好受歡迎，到底呢啲燒鵝點解會咁好食呢？老闆甘健成近日竟然爆埋出嚟！佢最新出咗本書《鏞樓甘饌錄》，除咗記錄佢縱橫飲食界逾40年嘅點點滴滴外，仲提及燒製燒鵝秘技等烹飪心得，好似揀鵝時要輕手握鵝頸底部，燒時需用火色均勻嘅炭火等等，88蚊認真抵買。
甘老闆1964年跟老竇甘穗煇加入佢創辦嘅鏞記酒家，原來佢初入行時都好雞手鴨腳，去街市揀雞揀鵝，除咗嚇到啲雞周圍飛，仲爭啲掐死隻鵝㖭！噚日甘老闆喺鏞記舉行新書分享會，筵開八席，同一班讀者、熟客同老友試吓菜、傾吓偈，其中菜式包括江蘇揚州炒飯同港式揚州炒飯，眾人即席投票睇吓邊樣好食啲，結果由港式揚州炒飯勝出。
爆料熱線：29290000、27860099
報料傳真：26239278
報料電郵：[email protected]