【本報訊】變靚D宣傳部總監、蕭若元的兒子蕭定一對於該公司曾經向顧客處方替拉曲考（Tiratricol）遭醫學及藥劑界批評時，強調變靚D醫生的處方沒有問題，更聲言「你唔可以否定啲人（客人）甲狀腺冇事喎！」
「你又冇證冇據」
蕭定一向本報指出，變靚D共有三名駐診醫生及兩名到診醫生，「你唔可以挑戰醫生嘅權威㗎嘛，人哋讀咗咁多年書，唔會咁做！佢咁做會畀醫管局（記者按：應為醫務委員會）吊銷牌照㗎！」
然而，當記者質疑替拉曲考只應用作治療甲狀腺疾病，而不能作減肥時，他反問：「你係咪問T字頭嗰隻藥呀？你唔可以否定啲人（指客人）甲狀腺冇事喎！」記者追問有否同時向顧客處方Phentermine及其他減肥藥時，他強調「我哋啲醫生當然唔會咁做，你又冇證冇據！」
記者再三追問，指替拉曲考自03年起已註冊只能用作醫治甲狀腺疾病，為何變靚D至今才停止處方該藥作減肥之用，蕭定一表現猶豫，問「係03年咩，你肯唔肯定？」其後他再補充，重申該藥由醫生處方並無問題，又辯稱藥廠沒有表明不可作減肥用途。
醫學界：匪夷所思
香港肥胖學會會長周振中對有纖體中心處方替拉曲考作減肥用途，感到匪夷所思，「嗎啡都可以處方嚟紓緩末期癌病人嘅痛楚啦，咁係咪可以亂開喺其他痛症用途呢？」
變靚D屬本港上市公司，於2002年成立，在港設有八間分店，去年更將業務拓展至中國及澳門。