內地女星范冰冰早排先俾網友話佢整過容，日前又有一個自稱係開美容院嘅網友公開話冰冰曾經整過容，仲公開埋嗰間整容醫院嘅名。呢名網友話：「我能夠證明范冰冰的鼻子確實做過整形，但是只是在鼻樑那裏墊高一點點。她的隆鼻手術是在北京一間外科整形醫院做的。除此之外，范冰冰確實做過切內眼角和磨腮的手術。」
內地記者曾經接觸過呢間外科整形醫院，院方負責人話范冰冰係做過整容手術，但唔係佢哋嗰間。記者後尾打過電話畀冰冰同佢經理人，咁啱兩個人都熄咗手機。
多人造明星
嗰個網友除咗話冰冰整過容之外，仲玩踢爆話內地好多明星個樣都係後天加工嘅，佢話：「中國有很多明星是在那裏做整形手術，他們整形前的照片我都看過，其實很多明星還不如我們普通人漂亮，最常見的是去眼袋、墊鼻子和墊下巴。」
