商台DJ森美與小儀日前在電台節目內發起的「我最想非禮嘅香港女藝人」選舉被指不尊重女性，連日來備受婦女團體指摘，他們已承認錯誤並向公眾道歉。但吳君如前晚在她主持的電台節目中竟為森美小儀「大平反」，指尊重女性應靠自己，聽落確有護短之嫌。
森美與小儀在商台節目《架勢堂》中玩選舉玩出火，上周的「我最想非禮嘅香港女藝人」選舉惹起極大迴響，事件被廣泛報道後，不斷遭婦女團體指摘。
已公開道歉
事件鬧大後，日前有九個婦女團體代表就事件到廣播事務管理局和平等機會委員會投訴及抗議，森美與小儀已立即將題目改為「我覺得最性感的香港女藝人」，又在電台節目中朗讀道歉聲明，但吳君如前晚在主持《她他她打到嚟！》節目時舊事重提，她在節目中說：「當然，做傳媒呢啲梗係要小心啲，我係幫森美、小儀反擊，我覺得尊唔尊重女性呢，其實每個女性係要自己尊重自己，唔係靠人尊重嘅，大家唔使咁執着。」
君如在節目開始時說：「我向森美、小儀致最深切嘅慰問。有啲網友撐佢哋，但係有啲就話佢哋唔尊重女性，呢啲真係見仁見智，大家原諒佢哋，佢哋升到12點（指森美節目由晚上10時改於凌晨12時播出），係三級同賤格啲，冇問題嘅，當然條題目敏感啲，但當結果出嚟係小儀No.1，成件事都知係玩嘅，最慘嘅係字眼問題。」最後君如更安慰他們說：「森美、小儀我知道你哋冇嘢嘅，一眾婦女團體好快冇嘢嘅，都道晒歉，雨過天青啦。」
學生妹支持
雖然森美小儀近日成為眾矢之的，但兩人依然同舟共濟，前日小儀充任柴可夫載森美返商台，當時在場等候的四名女學生見狀即鼓勵他們，又拉着小儀手臂說：「唔好唔開心啦，森美小儀，我哋會支持你哋㗎。」其實森美一直面色麻麻，但聽見學生妹出聲力撐後，即時展露笑容，還與她們合照留念。
採訪、攝影：娛樂突發組
