恒基主席李兆基昨日獲頒藝術贊助大獎，大仔李家傑都有出席支持，獨欠未來新抱徐子淇。早前盛傳李兆基兒子李家誠今年將與徐子淇結婚，但昨晚李兆基被問到李家今年會否辦喜事時，即斬釘截鐵說：「唔會。」
恒基地產主席李兆基昨晚於中環四季酒店獲頒萬寶龍國際藝術贊助大獎，表揚他30年來積極推動文化藝術活動的成就，他將大會送的15,000歐元（約149,700港元）獎金捐贈給中英劇團。
李兆基的富商好友鄭裕彤、胡文新、李國寶等名人出席支持他外，李兆基兒子李家傑都有現身撐場，惟獨盛傳十月與李家誠結婚的未來準新抱徐子淇未有現身。
彤叔斥葉璇冇心肝
李兆基二兒子李家誠因出門公幹，故未有出席是次盛會。問李兆基得獎感受時，他說：「開心，非常榮幸。」盛傳李家誠和徐子淇將會拉埋天窗？問李兆基下一個目標是否抱孫，他笑說：「搵多啲銀紙，至於結婚，你哋問番佢。」問李兆基對於未來新抱徐子淇的感覺？他說：「佢鍾意，我都鍾意。」問他今年會否辦喜事，李兆基肯定地說：「唔會。」
此外，彤叔被問到有否捧契女葉璇有份演出的亞視新劇《情陷夜中環2》時說：「都有睇，佢做得幾好、幾投入。」葉璇拍劇時受傷縫針，彤叔即表示：「好番，佢呢排都冇乜call我，受傷嗰時都有打畀我，都係拮親，叫佢小心啲。」
契女葉璇拍戲時是非不絕，彤叔表現得漠不關心說：「總之就冇是非，我哋好耐冇見。」問到契女有傳與內地中藥大亨之子Steven拍拖，彤叔說：「好耐冇見，冇過目，都冇心，唔使理佢。」問到契女有否相約他父親節慶祝，彤叔更向身邊好友明嘉福開玩笑：「冇約我，約咗Steven，你都有個仔叫Steven。」而明嘉福亦笑言：「我個仔結咗婚，唔溝女。」
採訪：JessicaNgan
攝影：ChanShunChing
