隔晚杜指一跌就係兩嚿，日股幾乎唔見3嚿，港股有驚無險，恒指最多跌過192點，埋單只跌43點。期指傷啲，最多散254點，埋單跌103點。
美國驚滯脹，少擔心。港股漸擺脫外圍影響，有平C輪，揀嚟買做短線。當然，搶得太高則追唔過。喺恒指二三百點中低買高賣，有銀両有膽識，加埋運氣，炒1個禮拜好過牛皮市中炒1個月。
長實C輪4878：長實（001）收85.10元，跌0.30元，吼住回落到84元，買C輪4878博反彈。4878喺9月尾到期，輪價34.5仙，溢價7.5%，槓桿率24.7倍（有效11.2倍），引伸波幅22.8%。隻輪行使價88元，價外少少，壽命長，少少價外冇問題，撞啱正股有氣勢，隻輪仲可以發揮較大嘅爆炸力。
建行C輪2293：中行（3988）穩如鐵塔，收3.575元，再升1格。建行（939）喺同類股中PE最低，會有運行，若見微軟少少，買C輪2293。2293兩個月後夠鐘，輪價45仙，溢價1.7%，槓桿率7.8倍（有效6.5倍），引伸波幅33.9%。
中銀C輪3641：中行硬淨，旗下中銀（2388）唔會衰得去邊。前日提過嘅C輪3641，諗得過。隻輪數據好靚，買賣唔算太難。
章盛