各電視台為迎接06世界盃，紛紛出招宣傳，亞視以舉辦「世界妹」選舉為噱頭，昨日安排16位入選波妹以性感運動造型亮相，鬥生鬥死，目的為爭奪亞視世界盃紀念品波衫一件，獎品果然「豐富」。
亞視為宣傳06世界盃舉辦《二○○六世界妹》競選比賽，16位候選波妹昨日在廣播道亞視總台會見傳媒，並請來珈潁、袁文傑和馮梓瑩等考驗眾波妹，不過所謂的考驗，其實只是叫她們作狀做運動擺甫士影相。
自貼車馬費
今次的選舉，亞視可謂創出獎品最低的紀錄，勝出的世界妹所得的獎品並非甚麼金銀珠寶，而是波衫一件，但她們卻要自付車馬費，分分鐘連車資都蝕掉，但仍然吸引一班質素不算突出的女子參加。
16候選者會由網民投票選出優勝者，亞視高層葉家寶說：「今次唔係搞選美，係想帶出一班女仔青春活力，每場播出賽事都會安排佢哋同觀眾見面，網友投票選出世界妹，我哋會送件波衫畀個冠軍做獎品，開幕日諗緊搞個水着會同藝員對戰。」
博入行機會
此外，12號參賽者陳樂敏，曾於04年亞姐選舉落敗，但仍屢敗屢戰，她坦言只是博入行機會，陳樂敏說：「冇所謂啦，咪當暑期活動，我讀緊大學重有一年至畢業，自己出埋車馬費都唔緊要，睇吓有冇機會入行啫！」
採訪、攝影：魯萍
