本屆台灣金曲獎將於今個禮拜六（10號）舉行，除咗請咗張學友同張惠妹出席之外，仲搵埋孫燕姿。孫燕姿係上屆金曲歌后，今年又再入圍，認真威水。佢本來要喺北京同鄭州做兩場歌友會，但為咗出席金曲獎，最後佢決定將演出延期至下個月，趕返台灣出席頒獎禮，搞到歌友會嘅廣告商唔見咗二百萬宣傳費。