最近有報道指葉璇搭上中藥大亨太子爺Steven，已相戀一個月，還謂日前葉璇拍《情陷夜中環2》受傷時，男方即時抱她入院。葉璇昨日接受新城訪問時，亞視公關主動向記者提及某雜誌有葉璇的新聞，但當記者問有關問題時，葉璇卻以私人事為由不回應。
尊重決定
問葉璇有否覺得被人藉機會宣傳，因而成為新聞王，她說：「我好少出聲，尊重製作單位決定。我都慣咗，明白攞嚟宣傳係為部劇，少少委屈都唔緊要，觀眾睇劇就見真章，會睇到我同其他演員有默契。」
對於羅家英踢爆葉璇和張文慈互不瞅睬，葉璇說：「係咩？家英哥真係入戲，喺現場我哋有講有笑。呢一集已經好少同佢（羅家英）做對手。」至於梁思浩笑說要為兩人擺和頭酒，葉璇笑說：「佢請呀？係先算啦。」
採訪、攝影：王連連