炒車藝術：撞車發燒友自製交通意外

「呢輯撞車相係真㗎，但又係假㗎。」真真假假，即係點呀？呢個世界上有種撞車發燒友，好享受撞車後嘅爛車藝術，所以就買部模型車，千方百計咁整爛佢，扮晒交通意外炒大鑊咁。撞車發燒友呢種撞車模型難度好高，首先要模仿撞車咁打爛部車，再加埋周遭嘅環境，難度比模仿部完好真車難幾倍。

■呢部咪係戴安娜王妃響法國撞車嘅S-Class。

■香港連日大雨，大家睇呢架車，係咪好有同感呢？

■連埋個環境就更加難，仲有部警車到咗現場查案。

■呢部三菱炒到甩皮甩骨，加埋攝影效果，我畀90分。

■平治新款SL55AMG亦是被「撞」的對象。

■平治ML炒愛快Spider，車主鬧交，滿地偈油，值得一睇。

最難係抄足撞車測試

1個鎚仔扑落去，撞車？有幾難呀。係，但要抄足撞車測試嘅實況，就唔係咁易。好似模仿平治廠方撞車測試，9成相似，要半個月先完成，方法係用熱力將車殼熔化，慢慢勾出撞車後的模樣，而車廂設備和中控台的損毀，也是用同樣方法造成。

記者：伍旋卓