鍾意飲啤酒嘅，一定喜歡隊德國啤，啲泡夠滑好吸引，再唔係就仲有澳洲啤、英國啤，但飲得多大路選擇悶悶哋，有冇興趣試吓意大利、葡萄牙、比利時、法國啤酒？呢幾個國家嘅啤酒，的確係稍為另類嘅選擇，皆因人地出紅酒白酒就出名，啤酒唔會嶄露鋒芒但都各有特色。
多國啤酒任你揀
「可能水質唔同，佢哋嘅啤酒有啲就好純好淡味如意大利啤，有啲去到好濃味如法國啤，陪人落bar唔飲開啤嘅，或鍾意刺激口味嘅人不妨一試。入另類貨唔志在賺，但多國選係我哋獨家特色，咁多口味實有一款啱飲。」上樓酒吧Chaos老闆Nal，除咗入酒有心思夠膽識之外，搞世界盃遊戲都鍾意有挑戰性嘅，大吧場多數搞簡單啲嘅全場波膽，佢就玩埋半全場，中咗就請你世盃後上嚟免費飲半打啤酒。
Chaos
地址︰銅鑼灣登龍街28號永光中心16樓
電話︰22956996
