港股昨日表現相當不俗，不受外圍股市偏軟影響，連續第2日上升，恒指收16016，升103點。
由日線圖看，恒指重返100日線（現處15967）之上收市，如非假突破，下一個反彈目標20日線16306至50日線16331。但執筆之時，歐洲股市略偏軟，美股期指亦跌約26點，港股今日能否作第3日上升，要看周一晚外圍股市跌幅會否擴大。
不過，就算港股今日再升，趙飛雲亦會如昨日所言，不會追貨博反彈，反為會吼位造淡。恒指今次反彈估計止於16210-16330區域，至於造淡工具可能不揀窩輪，改為沽期指，因為近期窩輪很難玩，部份窩輪的引伸波幅收水得很離譜，一旦揀錯輪，就算睇中大市或股票升跌方向亦冇用。
中行（3988）上市後愈升愈有，昨收3.55元，再升2.2%。中行的主要承銷商之一瑞銀話基金尚未買夠貨，仍在市場追貨。中行走勢較市場預期強勁，對建行（939）及交行（3328）明顯起帶動作用，兩股近日追落後，而建行多一瓣染藍概念，近日買盤動力強勁，昨再升2.9%，收3.525元。
技術上，建行已突破20日線3.45元的阻力位，短期將向2月歷史高位3.85元進發，由於保歷加通道正在收窄，通道頂現下移至3.78元，因此預期建行短期的主要阻力區會在3.75-3.85元水平，股價升進以上區域，可能先發展一段橫行走勢，等染藍好消息接近落實前才向上突破。
百威基金股東多
昨日睇資料，發覺早前炒過的百威（718）又有大芬增持，就是往績紀錄頗佳的PMA資本管理，近日在0.15元買多1億股，持股量增至5.28%的須披露水平。百威的基金股東眾多，照計基金唔睇好唔會落叠，不過近期大市氣氛差，大藍籌都唔敢亂掂，又何況股仔呢？
趙飛雲