巴士阿叔深入民心，連內地傳媒都受感染。華華噚日睇見內地報章《杭州日報》，發現一篇有關內地銀行收費嘅報道，標題居然係「銀行收費有壓力、未解決」！真係估唔到呢單發生喺香港嘅四眼仔單挑巴士阿叔小風波，內地同胞咁快活學活用，呢鋪真係唔讚吓內地同胞都唔得啦。
佢哋到底點用呢組詞語呢？據《杭州日報》講，內地銀行近年加大收費力度，全因「有壓力」。壓力來自邊度？咪嚟自銀聯囉！
另外，亦由於內地各大銀行都全力增大收入，以期達到銀監會對資本金嘅要求，根本就唔會考慮減費要求。咁嘅情況下，收費高嘅問題當然「未解決」啦！
睇怕唔使幾耐，喺壓力下嘅內地同胞會喺公車上重演內地版巴士阿叔故事。