馬時亨繼去年9月帶一班金融界人士去福建，了解當地商機之後，今年會再接再厲，9月組團去湖南。肥馬𠵱家正喺雲南曲靖市出席泛珠三角區域合作發展論壇，佢噚日話，今年3月喺香港舉行嘅金融論壇上，遇到湖南省副省長徐憲平，對方話馬局長好應該去湖南睇吓，好似3月底喺香港上市嘅「湖南有色」，就一度牽動新股熱潮嘅高峯，炒到七彩，不過後來風頭被中國銀行上市蓋過。
肥馬話，湖南可能仲有唔少好嘢，香港嘅金融界人士好應該去睇吓。佢話今次主要想帶班投資銀行及私募基金人士出發，搵投資機會，到時仲有機會試吓當地辣食，同四川菜有乜唔同。
傳真︰2623-9278
電郵︰[email protected]